DMAIL | decentralized Email Service

النهاردة هتكلم عن شركة مصرية اسمها Dmail ودي تعتبر دعاية حية غير مدفوعة الأجر وحملة توعية لناس الجهل عماها وخلاها تتريق علي أي حاجة لمجرد انها مصرية .. عندهم عقدة الخواجة بس أنا هفكها .

اولا هنتكلم يعني ايه Dmail أصلا :

بالعربي يعني البريد اللامركزي او تقدر تقول عليه بالانجليزي decentralized Mail ودا حاجة عبارة عن Dapp والي هو ترجمته بالاجليزي decentralized application طيب يعني ايه بقي أبلكيشن لا مركزي ؟

يعني ملهوش سيرفر واحد بيعتمد علي لا مركزية المستخدمين بكل واحد بيكون مشترك في الأبلكيشن بيكون بيحمل نسخة مشفرة من كل الداتا الي بتكون موجودة وبقدر نعمل Validation للداتا الي داخلة والي طالعة لان ممكن اي Node موجودة في السيستم تتلاعب بالداتا بس داه حرفيا ( مستحيل يحصل) يعني ايه !

يعني الداتا بتاعتك هتكون محفوظة في أمان تام ومتشفرة ومستحيل حد يتلاعب بيها وكمان الميزة ان في بعض الاحيان بتكون التشفيرات بتاعتها E2E يعني مستحيل حد يشوف الأيميل الي انتا بعته لصاحبك وللاسف مفيش Forward !

ايه الفرق بين ال Gmail - Dmail :

بكل صدر رحب احب اقولك ان ال DMail هيكون وسيلة أمنة تماما ان الرؤساء يكلمو بعض .. والمؤسسات الحكومية تتواصل مع بعض , وهيتم استخدامه من المخابرات الحربية والمخابرات العامة وكل المؤسسات السرية علي مستوي العالم لانه بكل بساطة انتا ضامن 101% مستحيل حد يشوف الرسالة دي غير الشخص المرسل اليه وكمان تقدر انك تدمر الرسالة بعد وقت معين وتكون ضامن بنسبة 102% ان محدش يقدر يشوف رسالتك بعد ما دمرتها .

بينما ال Gmail بيفرج رسايلك وايميلاتك وكل ما يتعلق بيها لكل الشركات الي شغالة NLP بتعدي الداتا بتاعتك علي اكتر من 10 من AI Lab تبع جوجل بيتعامل مع رساتلك تقريبا 100 من اصل 1000 داتا ساينتست ( عالم بيانات ) شغال في جوجل بشكل يومي .. علشان كداه بتكتب رسالة وتلاقي جوجل كملك الجملة مهو قري واتعلم من مليار ايميل قراه .. الخصوصية بتاعته ضعيفة جدا ومفيش ضمانات ان الرسالة الي عملتها destroy اتمسحت من جوجل زي ما بالظبط ان مفيش اي ضمان ان الرسالة الي بعتها من facebook اتمسحت ونلاحظ ان الداتا الي بتتمسح بتكون قيمة بالنسبة للشركات لما تتعلق بالحساسية والسرية والاهمال والخصوصية وبيكون ليها نصيب أعلي ( اياك تفكر اي زرار هتدوس عليه Delete هيمسحلك الدتا بجد هو بيعملها Hide من تجاهك .. مفيش داتا بتتمسح )

طيب هل ال Blockkchain دا مجال عادي ؟:

ﻷ البلوكشين تعتبر من الضلع التالت من مثلث الثورة الصناعية الرابعة
بعد الذكاء الاصطتناعي و انترنت الاشياء لانها بتضمن الخصوصية والمصداقية وعدم التلاعب والنزاهه وبالمناسبة انتخابات أمريكا الجاية هتكون باستخدام تكنولوجيا البلوكشين .

بالنسبة ل Dmail :

- الأبلكيشن يعتبر الأول في منافسة 200 ابلكيشن في الامارات في مسابقة Gitex التقنية في دبي لعام 2019 .

- الابلكيشن بقاله 3 شهور تقريبا واخد المركز الاول علي Blockstack والموقع داه متخصص في انه يعرف الناس احسن الابلكيشن في مجال البلوكشين وعلي مستوي عالمي .

- انا مش هتكلم علي product hunt بس تقدر تخش تشوف ال Review بتاع ال Ninja stack قالو عنه أيه من اللينك داه بواقع اكتر من 1500 upvote
https://www.producthunt.com/posts/dmail-3

موقع الوطن نزل مقال عنهم تقدر تقراه من هنا :

https://www.elwatannews.com/news/details/4356975

انا احب أهني الحقيقة البشمهندس Mohamed Abdou علي شغله العظيم وعلي النتيجة الي حققها في 3 Version من الأبلكيشن مقارنه بالأتنين الي قبليه وعلي كل شغله الي شوفته
https://www.producthunt.com/@mabdou

وأتمني انكم متتريقيوش علي حد لمجرد انكم متعرفوش لانكم بعد البوست داه هتجلدو نفسكم انكم العالم بيجري والبلد الي بتقولو عليها فاشلة وبترجع لورا بقت ببتقدم وبتطلع لقدام ومفيش حد بيرجعنا لورا غيركم .

وبلغو تحياتي لكل القائمين علي الشغل العظيم داه وانا لمست طموحهم لما كتبو الجملة دي The [@] Century is Gone متزعلوش يا بشمهندسين انتو عملتو والله حاجة تشرف ناس قليلة الي فاهمة ان داه هو المستقبل وشكرا أوي انكم خليتم الواحد يشوف أمل في البلد دي تاني وشكرا .